Les mots surlignés font l'objet d'une note
1Monseigneur, je vous envoye ung pacquet du roy que je receus hier soir,
2ancores qu’il me semble trop hastif, mais vous pourrés veoir quelque
3gentilzhommes de la religion en la vallée de Graisivodan et si le
4trouvez bon les advertir du contenu aux lettres y encloses, car elles me
5semblent bien gracieuses pour le regard de ceulx qui ceulx vouldront contenir
6en l’obéissance de ses édictz. Il sera bon de commander à voz secrétères
7de faire quelques coppies pour envoyer aux vibaillis et visénéchaulx et
8sièges présidiaulx pour en faire publication ausdits sièges et pour
9procéder contre les désobéissantz comme contre criminelz de lèze
10majesté ; et combien que je pense qu’en vouldrés conférer avec messieurs
11de la court avant qu’envoyer lesdites coppies, toutesfois ce sera besoigne
12faicte. Madame de Gordes et monsieur de La Roche font bonne chère.
13Il m’envoyèrent hier bien tard le pacquet, lequel j’ay prins la
14hardiesse d’ouvrir de peur qu’il n’y eyt quelque chose de pressé.
15Monsieur Reynier arriva hier en poste, s’en allant trouver monsieur le mareschal
16et portant une lettre pour arrester monsieur Bellièvre pour trois ou quattre
17mois auprès de mondit sieur le mareschal. Ledit Reynier dict que monseigneur
18d’Alençon vient à Sancerre accompaigné de monsieur de Never et
19espèrent avoir aisément ville et château par la sappe ; sur quoy me
20recommandant à votre bonne grâce et à celle de monsieur l’archevesque
21d’Ambrun et de toute votre bonne compaignie, je prieray le Créateur
22monseigneur vous conserver toujours en sa très saincte et digne garde.
23De Grenoble, le XXIIe jour de décembre 1572.
24Vostre à jamais plus fidelle et plus
25affectionné serviteur
26Truchon